客家戲曲中人物個性的表現

【文／薛常威／國立中央大學客家語文暨社會科學學系在職專班碩士生】

 

（影片）客家戲曲中人物個性的表現

　　戲劇表演中人物的個性，主要是透過對白或不同角色間的互動來呈現。如前之前的文章「小人物的個性」所提的例子，自白是最簡單的方式，腳色登場後，用自我介紹的方式把自己的身世、家底詳細介紹一遍。這種方式直白簡單，但是藝術價值總稍嫌不夠。

　　比較有趣的方式，是讓觀眾自己體會發想，透過不同角色間的對白和互動來認識各個角色的性格。

　　以下這一段是藉由主僕間的互動，來呈現主人家跟奴僕兩個角色的個性。

　　

　　黃公子：喊該隻會豺飯，毋會挾菜个出來啊。(朝內喊)裡背肚仔啊，會豺，毋會做事个啦。

　　(家丁自後台出場)

　　家丁：你喊𠊎係啊？

　　黃公子：𠊎毋係喊你，無𠊎喊麼儕？𠊎喊漦啊？

　　家丁：𠊎耳聾無聽著，裡背肚生事當多。

　　黃公子：你耳聾？該恁樣形，𠊎帶你來去開刀。

　　家丁：公子，開刀耳公會開壞忒喔？

　　黃公子：壞忒，你做奴才个人，驚麼个。𠊎做少爺个人斯做毋得壞喔。

　　家丁：公子，你喊我(海陸)愛做麼个？

　　黃公子：喊你喔，𠊎今晡日心肝恁樣「綿綿落落」。

　　家丁：毋怕，𠊎來去請先生。

　　黃公子：毋係啦，還耳聾了哪？該斯像人老阿婆。

　　喂~~~妳耳聾係無？

　　老阿婆樣形應，係呦，𠊎賣火囪。

　　今晡日問妳，妳聾了幾多年？

　　𠊎喔？火囪喔？一隻無幾多錢啦。

　　就係恁樣形啦，人講東，佢講西。賣火囪，賣兩三年。

　　𠊎毋係「綿綿落落」，𠊎係「悶悶不樂」，想餔娘啦。

　　家丁：想餔娘，斯討啊？

　　黃公子：暗晡頭睡目，打眠床鼓呢啊？

　　家丁：正經係啊？

　　黃公子：係啊。

　　家丁：打眠床鼓，𠊎斯拿棍仔來剁…

　　黃公子：做毋得喔，摸毋得喔，𠊎斯係少爺喔，框金个。𠊎想愛出門來去胥胥疏疏，尋細阿妹轉來做想餔娘。

　　家丁：做得。

　　黃公子：關門出。

　　(家丁先走出門，轉身把門關上，黃少撞得頭昏眼花)

　　黃公子：你這夭壽子，講關門出，𠊎還吂出去，你斯門關等。害𠊎乜，烏蠅撞窗樣，唉呦…….

　　家丁：你自家講「關門，出」，門關等，你愛仰般出？𠊎出來了啦。

　　黃公子：你出去，𠊎吂出啊？

　　家丁：(覺得意外)你吂出來啊？好啦。

　　(家丁開門讓黃少出)

　　黃公子：𠊎白白个米，畜該發鹵雞。做事無半撇，摎𠊎應嘴當會。

　　家丁：𠊎生成就係恁樣形。

　　

　　這段對話非常有趣，藉由主僕兩人的對話展現出有錢人家黃公子對下人的刻薄，及家中僕人的憨懶。黃公子認為家丁只會應嘴，不會做事。而家丁也認份地說自己生來如此。

　　在這一段裡，還帶出幾個諧音相關的笑話。像是「耳聾」聽成「火囪」，「幾多年」聽成「幾多錢」，「悶悶不樂」故意講成「綿綿落落」。而這些諧音相關的笑話，是要聽得懂客家話的客家人才能體會。

註：

　　火囪：fo24cung53（海陸腔）；舊時放置煤炭用以取暖的竹製提籃。

　　夭壽：rhau53shiu33（海陸腔）；罵人短命早死。

　　烏蠅撞窗：vu53rhin55cong33cung53（海陸腔）；形容人像蒼蠅撞到窗戶、頭昏眼花、沒有方向。

　　打眠床鼓：da24min55cong55gu55 （海陸腔）；形容人夜裡輾轉難眠。

　　發鹵：bod5lu53（海陸腔）；字面是指鐵器生銹，另外還有事情很糟糕的意思。

　　做事無半撇：zo11she33mo55ban11pied5（海陸腔）；只有空談而無實際的行動。






　

▲BACK